Аламүдүндө 140 орундуу бала бакчанын курулушу толук бүткөрүлдү
Дээрлик 10 жыл бүтпөй жаткан бала бакча бүткөрүлүп, колдонууга тапшыруу алдында турат.
Чүй облусунун Аламүдүн районуна караштуу Көк-Жар айылында 140 орундуу бала бакчанын курулуш иштери толук бүткөрүлдү. Объектти куруу 2014-жылы башталып, бүткөрүлбөй келген.
Долбоорго ылайык балдардын ар тараптуу өнүгүүсү үчүн санитардык нормаларды сактоого жана билим берүү программаларына ылайыкталган шарттар каралган: сабактарды жана оюндарды өткөрүү үчүн бөлмөлөр, уктоочу бөлмөлөр, кийим чечүүчү жайлар, ашкана, жашылча-жемиштерди жана кургак азыктарды сактоочу бөлмөлөр, санитардык түйүндөр. Андан тышкары гимнастика менен машыгуу үчүн бөлмө, музыкалык сабактар өтүүчү бөлмө жана медициналык кабинет каралган. Жаш балдар үчүн эң керектүү заманбап оюн-зоок аянтчасы да бар.
