Бишкектин бир эле районунунда түнкү рейд учурунда кароосуз жүргөн 22 бала табылган

Коом
admin
May 15, 2023
0
1 мүнөт окуу

Свердлов районунун акимиатынын, райондук ички иштер башкармалыгынын балдар боюнча инспекциясынын, райондук билим берүү борборунун, Свердлов райондук социалдык өнүктүрүү башкармалыгынын, муниципалдык аймактык башкармалыгынын жана Эмгек мыйзамдарын контролдоо жана көзөмөлдөө кызматынын кызматкерлери кароосуз калган жашы жете электерди, ошондой эле кайырчылык жана оор эмгек менен алектенген балдарды аныктоо боюнча рейддик иш-чара өткөрдү. Бул тууралуу Бишкек шаарынын мэриясынын басма сөз кызматы билдирди.

Түнкү рейддин жүрүшүндө жалпысынан 22 жашы жете элек бала аныкталган, алардын ичинен 3 өспүрүм Кыргыз Республикасынын Ички иштер министрлигинин жашы жете элек балдардын арасында укук бузуулардын алдын алуу борборуна жана 1 жашы жете элек бала “Айданек” жашы жете электерди реинтеграциялоо борборуна жеткирилген. Ал эми 18 бала профилактикалык иштер жүргүзүлгөндөн кийин ата-энелерине өткөрүлүп берилген.