Ош облусунда жер титиреди
Бүгүн саат 12:43тө Ош облусунун аймагында жер титиреди. Бул тууралуу Сейсмология институтунан билдиришти.
Маалыматка ылайык, жер титирөөнүн очогу Бор-Дөбө айылынан түндүккө карай 11 чакырым, Ош шаарынан түштүк-чыгышка карай 115 чакырым аралыкта жайгашып, күчү 3 баллга жеткен.
Бор-Дөбө айылында жердин силкинүүсү 2 баллга чейин сезилген.
Алдын ала маалымат боюнча, жабыркагандар жана кыйроолор катталган жок.
