Марлен Маматалиев Кыргызстан элинин ассамблеясынын кеңешинин төрагасын кабыл алды

Жогорку Кеңештин Төрагасы Марлен Маматалиев Кыргызстан элинин ассамблеясынын кеңешинин төрагасы Медер Рахманды кабыл алды.

Жолугушууда Төрага Марлен Маматалиев элдин биримдигин жана улуттар аралык мамилелерди чыңдоодо Кыргызстан элинин ассамблеясынын ролу чоң экенин белгилеп: «Баарыбыз бир түндүккө биригип, өлкөбүздүн алдыга жылуусу үчүн өз салымыбызды кошуубуз керек», – деди.

Ошону менен катар Ассамблеяны ар тараптан өнүктүрүү жаатындагы сунуштарын айткан Төрага: «Маданий өзгөчөлүктөрдү, каада-салттарды сактоо менен бирге жалпы улуттук үрп-адаттарды да жайылтууга басым жасашыбыз кажет. Анткени, ар бир этнос өз өзгөчөлүктөрүн карманып, ошол эле учурда жалпы мамлекеттин баалуулуктарын аздектегенде гана кубаттуу өлкөнү кура алабыз. Биздин күчүбүз ынтымакта жана биримдикте», – деди.

Ал эми Медер Рахман өзү жетектеген Ассамблеянын ишин алдыга жылдыруу жаатындагы пландары менен бөлүшүп, негизги багыттары боюнча маалымат берди.