Түркияда иштеген Кыргызстандын жарандары келечекте пенсияга чыга алат

Түркияда иштеген Кыргызстандын жарандары келечекте пенсияга чыга алат. Бул тууралуу Социалдык фонддон билдиришти.

Маалыматка ылайык, 2020-жылдан тартып Кыргызстан менен Түркия өкмөттөрүнүн ортосундагы социалдык камсыздоо жөнүндө келишим күчүнө кирген.

Белгиленгендей, келишимдин алкагында азыркы күндө түрк тараптан иш стажы жөнүндө 311 суроо-талап жиберилген, 309 суроо-талап иштелип чыкты жана аларга тиешелүү жооптор берилди.

Келишимдин алкагында Түркия Кыргызстандын 1 жаранына 490 түрк лирасы өлчөмүндө пенсия чектеди.