23.10.23 — Кыргызстанда “өзгөчө” датада жүздөн ашуун түгөй баш кошту
Кыргызстанда 23.10.23 сандарын камтыган “өзгөчө” датада 115 түгөй баш кошту. Бул тууралуу Санариптик өнүктүрүү министрлиги билдирет.
Бишкек шаарында жалпы 50 түгөй мамилелерин мыйзамдаштырган, анын ичинде 39 салтанат Бакыт үйүндө өткөн. Ош шаарындагы Бакыт үйүндө 22 салтанат өттү.
Санариптик өнүктүрүү министрлигинен кошумчалашкандай, акыркы убакта Кыргызстанда “өзгөчө” датада баш кошууну каалаган жаштардын саны өсүүдө.
