12 жылдык билим берүүгө даярдоо курсунан 17 миңге жакын мугалим окутулду

 12 жылдык билим берүүгө даярдоо курсунан 17 миңге жакын мугалим окутулду

Республика боюнча12 жылдык билим берүүгө даярдоо курсунан 17 миңге жакын мугалим окутулду. Бул тууралуу Билим берүү жана илим министрлигине караштуу Педагогикалык кызматкерлердин квалификациясын жогорулатуу жана кайра даярдоо республикалык институтунун директору Алмазбек Токтомаметов билдирди.

Анын айтымында, мугалимдерди окутуу үчүн атайын Сингапурдан адистер келип, жер-жерлерде сабак өтүшкөн.

“Учурда бул мугилимдер алган билимин ийгиликтүү колдонуп жатышат. Жыйынтык жакшы”,-деди ал.

Муну менен катар ал жаңы окуу жылына жалпы 3 миң мугалим керек экенин белгиледи.

“Учурда баарында бул мугалимдерди кайдан аласыңар деген суроо жаралып жатат.

Биринчиден мектепке чейинки билим берүү мекемелеринде иштеп келген мугалимдердин баары 1-класска келишет. Быйыл окуу жай, колледж, институтту аяктап жаткан бүтүрүүчүлөр мектепке ишке киришет. Мындан сырткары, жогорку окуу жайлардын “Кайра даярдоо” бөлүмүнүн студенттери да бар. Жер-жерлерде орун жоктугунан жумушка кире албаган мугалимдер бар экен алар да ишке алынат”,-деди ал.

Связанный пост