Өткөн жылы өлкөгө сырттан 872 млн доллар инвестиция келген

2024-жылы өлкөгө сырттан 872 млн доллар инвестиция келген. Бул тууралуу президентке караштуу Инвестициялар боюнча улуттук агенттиктин директорунун орун басары Дамирбек Бикулов радиолордун бирине берген маегинде билдирди.

Анын айтымында, бул 2023-жылга салыштырмалуу 3% га көп. 2023-жылы өлкөгө сырттан 844 млн доллар инвестиция келген. Ал эми чыккан инвестициялардан саны 284,9 млн долларды түзүп, 2023-жылга салыштырмалуу 50%га төмөндөдү.

“Бул көрсөткүч, өлкөдөгү акчанын сакталып, ал эми сырттан келген инвестициянын көбөйгөндүгүнөн кабар берет. Келип түшкөн инвестициялардын көбү Кытайдан – 208 млн доллар, Россиядан – 197 млн доллар, Түркия – 88 млн доллар, Люксембургдан-76 млн доллар, Казакстандан, Нидерланд өлкөлөрүнөн келген”, – деди ал.

Бикулов белгилегендей, инвестициялар өлкөнүн кайра иштетүү өнөр жайына, финансылык ортомчулук жана камсыздандыруу багытына, дүң жана чекене соода багытына жана пайдалуу кендерди багытына жумшалган.

Булак “Кабар” агенттиги