ЖКККББ: Нарын жана Талас облустарында маршруттук унаалар текшерилүүдө
Жол кыймылынын коопсуздугун камсыздоо башкы башкармалыгынын Техникалык көзөмөлдөө бөлүмү тарабынан Нарын жана Талас облусунун аймагындагы жүргүнчүлөрдү ташыгын кичи автобустардын жалпы техникалык абалы текшерилип, аныкталган кемчиликтерге тийиштүү чаралар көрүлүүдө.
Текшерүү учурунда айдоочулардын коопсуздук эрежелерин сактоолорун, каттамга чыгуу учурунда тийиштүү медициналык кызматкерлерден текшерилүүсүн, каттамга чыгуу жана эс алуу эрежелерин сактоолорун, өлкө башчыбыздын жарлыгына ылайык, жүргүнчүлөрдү көрсөтүлгөн авто бекеттерде гана салууларын жана санитардык талаптардын толук сакталышына көңүл бурулду.
