ЖКККББ: Эс алуу үчүн шаардан чыккан унаалардын саны 2600дөн ашкан

ЖКККББнын басма сөз кызматынын маалыматына ылайык, эс алуу күндөрү Бишкек шаарынан сырткары “Чуңкурчак”, “Кашка-Суу” өңдүү жана башка лыжа базаларына чыккан унаалардын болжолдуу саны 2-январь күнү 2600дөн ашкан.

Азыркы учурда бул унаалардын баары шаарды көздөй келе жаткандыктан, жол тескөөчүлөрү шаарга кире бериш жерлерде жол тыгындарын жөнгө салышып, жол тыгындарына жол бербөө боюнча күчөтүлгөн тартипте иш алып барышууда.

Азыркы учурда жол тыгындары жок жана баары көзөмөлдө.