Жаңы автобекет: Каракол, Бостери жана Балыкчы шаарына маршруттук каттам ачылды

Борбордогу “Бишкек автобекети” муниципалдык ишканасынан, ушул жылдын 10-апрелинен тарта Каракол, Бостери жана Балыкчы шаарына байма-бай эмес (нерегулярный) тартипте маршруттук каттам иштеп баштайт.
Каттамды тейлөө үчүн 10 даана кичи маршруттук унаа даярдалды. Алар күн сайын 12:00дөн тарта “Бишкек автобекетинен” чыгышат.
Жол кире акысы төмөндөгүдөй бекитилген:
Бишкек – Каракол – 450 сомов;
Бишкек – Бостери – 350 сомов;
Бишкек – Балыкчы – 300 сомов.
Билетти аралыктан онлайн сатып алууга болот. Ал үчүн төмөнкү номерлерге байланышуу зарыл: +996704190589, +996700981080
Жаңы ачылган маршуттук каттам байма-бай эмес каттам болуп эсептелет.

Республиканын аймагында автоунаа транспорту менен жүргүнчү ташууну уюштуруунун эрежесине ылайык, байма-бай эмес ташуулар (буйрутма, атайын, туристтик-экскурсиялык, коммерциялык) болуп бекитилген. (Кыргыз Республикасынын Өкмөтүнүн 2013-жылдын 23-сентябрындагы № 519 токтому)
Маалымат үчүн: “Бишкек автобекети” муниципалдык ишканасы Алмата көчөсү менен шаарды айланып өткөн чоң жолдун кесилишинде жайгашкан.