Ысык-Көлдөн Москвага үзгүлтүксүз авиакаттамдын ачылышы пландалууда
«Аэрофлот» авиакомпаниясы үстүбүздөгү жылдын май айында жүргүнчүлөр үчүн Москва-Тамчы-Москва багыты боюнча үзгүлтүксүз авиакаттамды кайрадан жандантууну максат кылууда. Бул тууралуу “Манас эл аралык аэропорту” ААКнан билдиришти.
Биринчи каттам болжол менен 2-майда аткарылат. Ысык-Көлдөн Москванын «Шереметьево» аэропортуна жумасына 2 жолу аба каттамдар аткарылаары күтүлүүдө.
