Ысык-Көлдө селден кийин 110 турак үй дезинфекцияланды
Ысык-Көлдөгү селден кийин 110 үй дезинфекцияланды. Бул тууралуу Өзгөчө кырдаалдар министрлигинен билдиришти.
Маалыматка ылайык, санитардык-эпидемиологиялык көзөмөлдөө борбору тарабынан Корумду айылында 6, Кашат айылында 4 жана Темир айылында 100 турак үйдө дезинфекциялоо иштери жүргүзүлдү.
Ошондой эле бүгүн айылдарда селдин кесепеттерин жоюу иштерине жалпы 307 адам жана 58 атайын техника, 1 өрт өчүрүүчү унаа тартылды.
Тазалоо иштерин жеринде Өзгөчө кырдаалдар министринин орун басары Урматбек Шамырканов көзөмөлдөп жүрөт.
Мындан сырткары, өткөн жумада жашоочуларга жүз тоннадан ашык таза суу жеткирилген.
