Улуттук онкология жана гематология борборуна 10 млн сомдон ашуун каражат бөлүндү

Министрлер кабинети Улуттук онкология жана гематология борбору үчүн Саламаттык сактоо министрлигине 10 млн 141 миң 165 сом бөлдү. Тиешелүү тескемеге министрлер кабинетинин төрагасы Адылбек Касымалиев кол койду.

Мындай чечим, бейтаптарга ыңгайлуу жана коопсуз шарттарды түзүү, ошондой эле медициналык тейлөөнүн натыйжалуулугун жогорулатуу максатында кабыл алынды.

Саламаттык сактоо министрлигине бөлүнгөн каражаттын максаттуу пайдаланылышын камсыз кылуу тапшырылды.