Тротуар төшөө максатында Шүкүров көчөсүндөгү 61 тосмо сүрдүрүлдү
Тротуар төшөө максатында Шүкүров көчөсүндөгү 61 тосмо сүрдүрүлдү. Бул тууралуу Бишкек мэриясынын басма сөз кызматы билдирди.
Маалыматка ылайык, муниципалдык инспекция Шүкүров көчөсүндө муниципалдык аймакка чыгып кеткен капиталдык тосмолорду жана жеңил курулуш объектилерин тазалоодо.
Бүгүнкү күндө инспекция тарабынан 61 объект (тосмо, дарбаза, тосмолор, бастырмалар, гараждар) бузулду.
Учурда жолду реконструкциялоо иштери аяктап, асфальт төшөлдү. Бирок тротуарларды куруу үчүн муниципалдык аймакка кирип, курулушка тоскоол болгон тосмолорду бузуу зарыл. Эскерте кетсек, муниципалдык инспекция объектилердин ээлерине каршы сотко доо арыз менен кайрылган.
