Транспорт министрлигине 10 айда 19,5 млрд сомдон ашуун бөлүндү
Финансы министрлигинин маалыматына ылаййык, Транспорт жана коммуникациялар министрлигинин такталган бюджети 10 айдын жыйынтыгы боюнча 2024-жылы 19 595,6 млн. сомду түзөт, алардын ичинен:
– учурдагы бюджет – 5 064,5 млн. сом;
– “мамлекеттик инвестициялар” линиясы боюнча – 8 238,1 млн. сом;
– “капиталдык салымдар” беренеси боюнча – 2 880,0 млн. сом;
– казыналык облигацияларды чыгаруу-3 413,0 млн.сомду түзгөн.
Транспорт министрлигине учурдагы бюджет боюнча 2024-жылга 4 450,9 млн.сом каралган, анын ичинен Жол фондунун каражаттары 3 981,3 млн. сом. Ошондой эле Жол фондунун булактарынан кошумча түшүүлөрдүн эсебинен Кыргыз Республикасынын Министрлер Кабинетинин буйругу менен Жол фондунун бюджети 605,0 млн.сомго көбөйтүлгөн.
Жолдорду күтүүгө жана оңдоого, анын ичинде битумду сатып алууга 2024-жылга Жол фондунун бюджетинен 3 271,3 млн.сом каралган.
“Кыргызавтожол” мамлекеттик ишканасынын жол-курулуш техникаларынын паркын жаңылоо максатында Кыргыз Республикасынын Министрлер Кабинетинин буйругу менен жалпы суммасы 4 782,0 млн.сомго жол-курулуш техникаларын жана жабдууларын сатып алуу жөнүндө чечим кабыл алынган. 2023-жылы 247 даана жол-курулуш техникасы жана 18 даана асфальт-бетон заводу, таш майдалоочу завод жана бетон заводу сатылып алынган, алар бүгүнкү күндө келишимге ылайык квартал сайын төлөнүп турат. Мындан тышкары, дагы 447 даана жол-курулуш техникасын жана 4 асфальт-бетон жана таш майдалоочу заводду сатып алуу боюнча келишимдер түзүлгөн. 2024-жылга техника алууга жол фондунун бюджетинен 1 168,3 млн.сом, каралган.
2024-жылдын 31-октябрына карата 2024-жылга каралган каражаттардын алкагында төмөнкү иштер аткарылды:
– учурдагы бюджет боюнча жолдорду асфальттоо – 148,2 км;
– “мамлекеттик инвестициялар” линиясы боюнча жолдорду асфальттоо – 149,0 км;
– “капиталдык салымдар” беренеси боюнча жолдорду асфальттоо – 410,5 км;
– Жол устун бодурлоо иштери (ШПО)- 21,3 км;
– чуңкурларды оңдоо-138,3 миң м2;
– учурдагы бюджет боюнча 14,6 миң тонна көлөмүндө битум сатып алуу;
– графикке ылайык техниканы сатып алууга кварталдык төлөм, ошондой эле 451 техника сатып алууга аванстык төлөм;
– жолдорду жайкы жана кышкы күтүү иштери аткарылды.
