ТИМ кыргызстандыктарды АКШдагы нааразычылык акцияларына катышпоого чакырат

Тышкы иштер министрлиги Америкадагы кыргызстандыктарды өлкөнүн бир катар шаарларында уланып жаткан көчө демонстрацияларына катышпоого чакырат.

Министрлик жарандарды өз коопсуздугуна жогорку деңгээлде көңүл бурууга чакырып, туруктуу чыңалууну эске алуу менен нааразычылык акцияларына катышуудан алыс болууга жана демонстрациялар, митингдер же башаламандыктар менен коштолушу мүмкүн болгон башка массалык чогулуштар өткөрүлүп жаткан жерлерден оолак болууну сунуштайт.

Зарыл болгон учурда кечиктирбестен АКШдагы Кыргызстандын дипломатиялык жана консулдук мекемелерине кайрылуу керектигин эскертет.