Төрт жыл ичинде мамлекетке 168 млрд сомдон ашык каражат кайтарылды
Төрт жыл ичинде 168 млрд сомдон ашык каражат мамлекетке кайтарылды. Бул тууралуу министрлер кабинетинин төрагасынын орун басары – Улуттук коопсуздук мамлекеттик комитетинин төрагасы Камчыбек Ташиев бүгүн, 16-январда Кыргызстандын жогорку билим берүү системасынын кызматкерлери менен өткөргөн кеңешмеде билдирди.
Анын айтымында, аталган убакыт аралыгында 1373 адам кылмыш жоопкерчилигине тартылган.
“2020-жылдын октябрынан азыркы учурга чейинки аралыкта тарыхта биринчи жолу мамлекетке 168 млрд 287 млн сом өлчөмүндөгү ири зыяндын орду толтурулду. Ошондой эле өлкө боюнча 1174 объект мамлекеттин менчигине кайтарылды. Алар- жер, бала бакчалар, пансионаттар, стадиондор жана заводдор”,-деди Камчыбек Ташиев.
