Садыр Жапаров жана Владимир Путин Бишкекте Өчпөс отко гүлчамбар коюшту

Кыргызстандын президенти Садыр Жапаров жана Россиянын президенти Владимир Путин бүгүн, 25-ноябрда Россия лидеринин Кыргызстанга болгон мамлекеттик сапарынын алкагында Бишкек шаарында Жеңиш аянтындагы Өчпөс отко гүлчамбар коюшту.

Аскердик оркестрдин коштоосунда гвардиячылар мемориалга гүлчамбарларды коюп, андан соң мамлекет башчылар баш ийип, курман болгон баатырларды эскеришти.

Гүлчамбар коюу Улуу Ата Мекендик согушта курман болгондорду эскерүү менен аяктап, үч жолу ок атылды.