Садыр Жапаров V Дүйнөлүк көчмөндөр оюндарынын ачылыш аземине катышат
Президент Садыр Жапаров 8-сентябрда Казакстандын Астана шаарына V Дүйнөлүк көчмөндөр оюндарынын ачылыш аземине катышуу үчүн иш сапары менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.
“Кезектеги Оюндар Казакстандын борборунда 9-12-сентябрь аралыгында өтөт.
Иш-чарага 80ден ашуун өлкөдөн 3000ден ашык спортчулар катышат”, – деп Муратбек Азымбакиев белгиледи.
