Садыр Жапаров Нарын облусундагы жаңыланган “Торугарт 2” көзөмөл-өткөрүү пунктун ачты
Кыргыз Республикасынын Президенти Садыр Жапаров бүгүн, 21-декабрда, Нарын облусуна болгон жумуш сапарынын алкагында кыргыз-кытай мамлекеттик чек арасындагы жаңыланган “Торугарт 2” көзөмөл-өткөрүү пунктун (КӨП) ачты.
Мамлекет башчысына “Торугарт-1” жана “Торугарт-2” деп аталган КӨП 1993-жылы курулган, ошол жылы курулган үчүн “Торугарт-2” 2010-2018-жылдар мезгилинде Кытайдын колдоосу менен курулганы боюнча маалымат берилди. Бүгүнкү күндө бул көзөмөл-өткөрүү пунктуна кириш өтө чукул, объекттер ыңгайсыз жайгашкан, машина токтотуучу жайлар дээрлик каралган эмес. “Торугарт 2” комплекси реконструкциялоого муктаж болчу.
Көзөмөл-өткөрмө бекетинде орнотулган техникалык жабдуу азыркы түзүлгөн кырдаалга туура келбей турганы, анткени иштеп жаткан текшерүү комплексинин кубаттуулугу саатына 20-25 автоунааны өткөрө алат, бирок “Торугарт” шартында саатына 15тен ашык унааны текшерүү мүмкүн эмес экени белгиленди. “Торугарттын” долбоордук кубаттуулугу — суткасына 150 машина. Бүгүнкү күндө аталган көзөмөл-өткөрмө пункт аркылуу күн сайын 300дөн ашуун унаа өтөт. Бүгүнкү күндө “Торугарт-2” комплексинин административдик имараты реконструкцияланып, алты кыймыл тилкеси орнотулуп, жабык, жылууланган ангарлар орнотулуп, бир эле учурда алты транспорт каражатына карата бажы көзөмөлү жүргүзүлүшү мүмкүн. Мындан тышкары, өткөрүү пунктунун аймагын жакшыртуу жана натыйжалуу пайдалануу үчүн эски жана функционалдык эмес курулмаларды жана имараттарды бузуу, андан ары кошумча токтотуучу жайларды орнотуу, өткөрүү пунктунун аймагынын чегинде транспорт каражаттарынын кыймылынын схемасын оптималдаштыруу боюнча иш-чаралар жүргүзүлүүдө. Ошондой эле чек арачылар үчүн жатакананы реконструкциялоо иштери жүргүзүлдү
Көзөмөл-өткөрмө пунктунун ишмердүүлүгү менен таанышкан Президент анын жакшыртылган инфраструктурасы толугу менен керектүү стандарттарга жооп бериши жана чек арадан өтө турган унаалар үчүн эң ыңгайлуу шарттарды түзүшү керектигин баса белгиледи. Мындан тышкары, Садыр Жапаров келерки жылдын жаз айларынан тарта жумуш убактысын 24/7 схемасы боюнча көбөйтүүнү сунуштады.
Мамлекет башчысы автоматташтырылган бажы тутумдарынын үзгүлтүксүз иштешин камсыз кылуу боюнча бардык зарыл чараларды көрүүнү да тапшырды.
Ошол эле жерде Президент Садыр Жапаров чек арачылар үчүн реконструкцияланган жатакананын имаратын көрүп чыкты.
