Президенттин резервдик фондунан Ош облусунун магистралдык жана чарбалык каналдарды калыбына келтирүүгө 100 млн сом бөлүндү

Кыргыз Республикасынын Президентинин Ош облусундагы ыйгарым укуктуу өкүлү Эльчибек Джантаев Өзгөн районунун Кызыл-Октябрь айыл аймагындагы Жаман-Адыр массивин өздөштүрүү жана ирригациялык тармактарды калыбына келтирүү боюнча долбоордун алкагындагы аткарылып жаткан ишти жеринен көрүп, сапатын текшерди.

Облус жетекчиси иштин сапаттуу жана өз убагында бүткөрүлүшү долбоордун ийгиликтүү болушунун негизги фактору экенин баса белгиледи.

Эльчибек Джантаев иштин жогорку сапаты биринчи орунда турганын баса белгилеп, төмөндөгүдөй милдеттерди койду.

Бардык аткарылган иштердин сапатын катуу контролдоону камсыз кылуу, деталдарга өзгөчө көңүл буруу жана стандарттардын сакталышы.

Долбоордун белгиленген мөөнөттө бүтүшүн камсыз кылуу үчүн иштөө графигин так аткаруу.

Президенттик фонддун ар бир сому аймакка максималдуу пайда алып келүүсү үчүн бөлүнгөн каражаттарды мүмкүн болушунча максаттуу пайдалануу.

Финансылык туруксуздукту жана түшүнбөстүктөрдү болтурбоо үчүн долбоордун финансылык башкаруусунда ачык-айкындуулукту жана жоопкерчиликти сактоо.

Бул демилгенин алкагында Президенттин резервдик фондунан 4,8 км магистралдык каналды жана 12,1 км чарбалык каналдарды калыбына келтирүүгө 100,0 млн сом бөлүнгөн.

Долбоордун негизги максаты 719 га жерди сугат суу менен камсыз кылуу.

Учурда каражат бөлүнүп, бардык керектүү жабдыктар сатылып алынып, иш кызуу жүрүп жатат. Бул аракет айыл чарба тармагын өнүктүрүүгө жаңы дем берип, жерибиздин туруктуулугун камсыздайт деп ишенебиз.