Президенттин Администрациясында кызамык менен күрөшүү жана эмдөө иштерин күчөтүү боюнча чукул чаралар талкууланды

Кечээ, Кыргыз Республикасынын Президентинин Администрациясында Саламаттыкты сактоо, Билим берүү, Социалдык коргоо, Ички иштер жана Маданият министрликтеринин жетекчилеринин, облустук жана райондук администрациялардын өкүлдөрүнүн катышуусунда видеоконференция болуп өттү.

Жыйындын жүрүшүндө өзгөчө Бишкек, Ош, Чүй жана Ош облустарында кызамык оорусунун өсүшүнүн кооптуу тенденциялары талданды. Саламаттыкты сактоо министрлигине эпидемиянын очокторун локалдаштыруу боюнча өзгөчө чаралардын комплекстүү планын иштеп чыгуу, кырдаалга мониторингди күчөтүү жана аймактарда тез чара көрүү үчүн жетиштүү вакцина менен камсыз кылуу тапшырылды.

«Регион боюнча кызамык оорусунун чоң очогу бар. Өлкөдө өтө кооптуу кырдаал түзүлүүдө. Өткөн жыл ичинде алты өлүм катталса, быйылкы жылдын январь жана февраль айларында эле бул оору сегиз баланын өмүрүн алган. Бул кабыл алынгыс нерсе. Ар бир райондун жетекчиси коңгуроо кагып, кырдаалды жеке көзөмөлүнө алышы керек. Биз эмдөө менен жалпы камтууну камсыз кылуу боюнча күч-аракетибизди күчөтүшүбүз керек. Биз балдарыбыздын өмүрү жана ден соолугу жөнүндө сөз болуп жатат», – деп баса белгиледи Эдил Байсалов.

Кеңешменин жыйынтыгында тиешелүү министрликтерге жана облустук бийликтерге конкреттүү тапшырмалар берилди, анын ичинде жер-жерлерде ушул сыяктуу жолугушууларды өткөрүү, калк менен маалымат иштерин күчөтүү жана кызамык оорусунун мындан ары жайылышын алдын алуу боюнча кошумча чараларды киргизүү.