Президент Жалал-Абадда “Барселона” футбол клубунун легендалары менен бир катар аймактык футбол командаларынын жаш оюнчуларынын ортосундагы футболдук беттешке барды

Кыргыз Республикасынын Президенти Садыр Жапаров, бүгүн, 29-августта, Жалал-Абад облусуна болгон жумушчу сапарынын алкагында «Барселона» футбол клубунун легендалары менен өлкөнүн ар кайсы аймактык футбол командаларынын жаш оюнчуларынын ортосундагы футбол боюнча мелдешке барды.

Көрсөтмө оюн “Барселона” футбол академиясынын расмий ачылышынын алкагында Жалал-Абад шаарындагы “Курманбек” стадионунда өттү.