Ош шаарында жаңы жол куруу пландалууда

Ош шаарынын башкы планынын негизинде деталдык пландоо долбооруна ылайык, Б.Нурматов көчөсүн Курманжан датка көчөсүнө бириктирүүчү жаңы жол куруу пландалууда.

Муниципалитеттен маалымдашкандай, бул – шаардын транспорттук инфратүзүмүн жакшыртуу багытындагы маанилүү кадам.

Эскиздик долбоор Ош регионалдык шаар куруу жана архитектура башкармалыгы тарабынан даярдалган. Ага ылайык, жолдун узундугу 180 метр, эки багыттуу, 6 тилкелүү болмокчу.

Долбоордо:

• ирригациялык түйүндөр;
• жашыл аймактар;
• жөө адамдар үчүн жолдор;
• жарыктандыруу системалары камтылган.

Жаңы жол ачылса:

• унаа тыгыны кыйла азаят;
• шаардыктар үчүн ыңгайлуулук жаралат;
• инфраструктуралык өнүгүүгө чоң салым болот.

Белгиленгендей, бул өзгөрүүлөр – жаңы, ыңгайлуу жана өнүккөн Ош шаары үчүн жасалып жаткан иш-аракеттердин бир бөлүгү.