Ош шаарында Нооруз майрамы өзгөчө шаң менен белгиленүүдө
![Ош шаарында Нооруз майрамы өзгөчө шаң менен белгиленүүдө](https://eltr.kg/wp-content/uploads/2023/03/337515293_536226168579078_2347246020722611373_n-850x560.jpg)
Ош шаарында Нооруз майрамы салтанаттуу белгиленип жатат. Бул тууралуу Ош шаарынын мэриясынын маалыматтык камсыздоо бөлүмү кабарлады. Иш-чаралар эртең менен сүмөлөк жасоо фестивалы менен башталып, андан соң борбордук аянтта “Нооруз – 2023” деп аталган салтанат тартууланды.
Иш-чарага КР Министрлер Кабинетинин Төрагасынын орун басары Бакыт Төрөбаев, Ош шаарынын мэри Бакытбек Жетигенов, Ош шаардык кеңешинин төрагасы Салман Назылбеков, мекеме-ишканалардын жетекчилери, шаардык кеңештин депутаттары, жашоочулар жана коноктор катышты.
Бакыт Төрөбаев майрамга келгендерди Нооруз менен куттуктап, жалпы журтка токчулук, тынчтык каалады.
Иш-чара чоң концерттик программа менен коштолуп, театралдаштырылган оюн-зоок тартууланды.
Ошондой эле аянтта кол өнөрчүлөрдүн көргөзмөсү болуп, спорттук мелдештер уюштурулду.
Белгилей кетсек, маданий иш-чара кечки саат 19:00дө Алымбек Датка эс алуу багында улантылат.