Ош шаарында эртең массалык ишембилик өтөт
“Таза мурас” улуттук өнөктүгүнүн алкагында Ош шаарында 8-октябрь, ишемби күнү массалык ишембилик өткөрүлөт. Буга байланыштуу вице-мэр Сонунбек Жунусбаев тиешелүү тармактын өкүлдөрүнүн катышуусунда жыйын өткөрдү. Бул тууралуу Ош шаардык мэриясынын басма сөз кызматынан кабарлашты.
Ишембиликке калаа аймагында жайгашкан мекеме-уюмдар, ишканалар, саламаттыкты сактоо, билим берүү тармагы, жогорку жана кесиптик билим берүү жайлары, базарлар, коммерциялык соода түйүндөр (менчигинин түрүнө жана аймактык баш ийүүсүнө карабастан), ошондой эле муниципалдык аймактык башкармалыктар, кварталдык үй комитеттери жана кондоминиумдар ишембиликке катышууга тийиш.
Ош мэриясы ишембиликке активдүү катышып, шаар тазалыгына салым кошууга чакырат.
