Ош облусунда былтыр өнөр жай тармагында 15 млрд 931,3 млн сомдук продукция өндүрүлгөн

Ош облусунун өнөр жай тармагы 2023-жылы олуттуу жылыштар менен коштолду. Жалпысынан облустун өнөр жай тармагында 15 млрд 931,3 млн сомдук продукция өндүрүлүп, кызмат көрсөтүүлөр өткөн жылдын ушул мезгилине салыштырмалуу 2 млрд 171,5 млн сомго көбөйгөндүгүн билдирет.

Облуста өндүрүштү кеңейтүү боюнча бир топ аракеттер көрүлдү. Бул иш-чаралардын натыйжасында 2023-жылдын 11 айында 56 жаңы өнөр жай ишканалары ачылып, 1000ге жакын жумуш орундары түзүлдү.

Ош облусунун өндүрүш тармагы быйылкы жылы туруктуу өсүштү жана олуттуу жетишкендиктерди көрсөттү. Тармактын келечектүү тенденцияларына таянып, кийинки жылы дагы да таасирдүү натыйжаларга жетиши күтүлүүдө.