Октябрда ЕАЭБдин бардык өлкөлөрүндө керектөө баалары өскөн
2025-жылдын октябрында өткөн айга салыштырмалуу ЕАЭБге мүчө бардык өлкөлөрдө керектөө бааларынын жана тарифтеринин жогорулашы байкалган. Бул тууралуу Улуттук статистикалык комитеттен билдиришти.
Маалыматка ылайык, Кыргызстанда баалар 1,5 пайызгаөскөнү белгиленди. Бул азык-түлүк эмес товарлардын 2,2 пайызга, калкка көрсөтүлүүчү кызмат көрсөтүүлөргө тарифтердин 2,4 пайызга өсүшүнө байланыштуу жогорулаган.
Ал эми 2025-жылдын октябрында 2024-жылдын декабрына салыштырмалуу экономиканын керектөө тармагында инфляциянын эң жогорку деңгээли – 10,5 пайыз Казакстанда катталган, бул баанын азык-түлүк товарларга 11 пайызга, азык-түлүк эмес товарларга 9,3 пайызга, ошондой эле кызмат көрсөтүүлөргө тарифтердин 11 пайызга жогорулашы менен шартталган.
