Ноокат районунда мобилдик клиника акысыз жардам көрсөтө баштады
Ноокат районунун Көк-Жар айылынын борбордук стадионунда 8 бөлүктөн турган мультидиагностикалык мобилдик клиника ишин баштады.
Аталган клиника электрондук кезеке туруу тартиби менен 3 ай бою жергиликтүү тургундарга акысыз медициналык жардам көрсөтөт. Базасында компьютердик томография, УЗИ, маммограф, ренгтген, гастроскоп, колоноскоп, риносокп, эхокардиограф сыяктуу жабдыктар, лабооратория, хирургия жана тез жардам унаасы бар.
Кайрымдуулук мобилдик клиниканы Кыргызстан үчүн Ислам өнүктүрүү банкынын жетекчилиги тарабынан берилген.
