МСК Бишкектеги “бирдиктүү терезелердин” ишин модернизациялоону аяктады
Салык кызматы Бишкек шаарынын бардык аймактык салык органдарында “бирдиктүү терезени” модернизациялоо ишин ийгиликтүү аяктады. Бул тууралуу ведомстводон билдиришти.
Маалыматка караганда, эми жарандар салык кызматтарын “электрондук кезек” системасынын жардамы менен тейлөө зонасында отуруп, ыңгайлуу шартта ала алышат.
Ошондой эле заманбап инфратүзүмдү жана салык тейлөөчүлөрдү тейлөө стандарттарын түзүү үчүн универсалдуулук принцибин колдонуп, модернизацияланган “бирдиктүү терезелерде” бардык салык кызматтары салык төлөөчүлөргө бир терезеде көрсөтүлөт.
Эскерте кетсек, “бирдиктүү терезеде” жарандар жана салык төлөөчүлөр акысыз салык кызмат көрсөтүүлөрдүн комплексин алууга мүмкүндүгү бар.
“Бирдиктүү терезенин” алкагында көрсөтүлгөн кызматтар жарандарга салыктар жана камсыздандыруу төгүмдөрү боюнча милдеттенмелерди аткаруу жол-жоболорун жеңилдетип, убактыларын үнөмдөйт. Эң негизгиси, салык органдарынын кызматкерлери тарабынан коррупциялык көрүнүштөр үчүн шарттарды минималдаштырат.
