Министрлер Кабинети өзүнүн кезектеги жыйынында бир катар чечимдерди кабыл алды
Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Адылбек Касымалиевдин жетекчилиги алдында Министрлер Кабинетинин жыйыны өттү.
Министрлер Кабинетинин мүчөлөрү туризмди өнүктүрүү үчүн жагымдуу шарттарды түзүүгө багытталган “2025-2030-жылдарга Туризмди туруктуу өнүктүрүү программасын бекитүү жөнүндө” чечим кабыл алды.
Министрлер Кабинети көмүр логистикалык борборунун конвейердик транспорт менен ишин уюштуруу жөнүндө Жобону бекитти. Документ экспорттук потенциалды өнүктүрүү жана көмүр тармагынын логистикалык инфраструктурасын жакшыртуу, ошондой эле Кыргыз Республикасынын Ош облусунун Алай районунун аймагында кыргыз-кытай мамлекеттик чек ара тилкесинде Кыргыз Республикасынын Министрлер Кабинети менен “Xinjiang Dacheng Yuanlong Technology Co., LTD” ортосунда “Эркечтам-автодорожный” өткөрүү пунктуна жакын жерде конвейердик ленталуу көмүр логистикалык борборун куруу боюнча инвестициялык долбоорду ишке ашырууда кызматташуу жөнүндө инвестициялык макулдашууну ишке ашыруу максатында кабыл алынган.
Мындан тышкары, Кыргыз Республикасынын Министрлер Кабинети менен “Базальт Эвотек” ЖЧКсынын ортосундагы Үзгүлтүксүз базальт буласын өндүрүү боюнча заводду куруу боюнча инвестициялык долбоорду ишке ашыруу жөнүндө инвестициялык макулдашуунун долбоорун жактыруу чечими кабыл алынды. Завод жылына 5 миң тоннага чейин продукция чыгарат. Белгилей кетсек, 2024-жылдын июль айында Министрлер Кабинети 2024–2030-жылдарга “Базальт булалары жана материалдары” мамлекеттик программа бекитилген.
Министрлер Кабинетинин Төрагасы Адылбек Касымалиев, МинКаб өлкө аймактарында кичи жана орто бизнести өнүктүрүүгө өзгөчө көңүл буруп, мамлекет тарабынан жардам көрсөтүлөрүн белгиледи.
