Мас абалында унаа башкарган 560 айдоочу кармалды

ИИМдин Жол кыймылынын коопсуздугун камсыздоо башкы башкармалыгы Бишкек – Ош жана Бишкек – Нарын – Торугарт унаа жолдорунда масштабдуу профилактикалык иш-чараларды өткөрдү.

Мекемеден билдиришкендей, текшерүүнүн жүрүшүндө айдоочулар тарабынан ылдамдыкты олуттуу ашыруу фактылары катталган. Маселен, Бишкек – Нарын – Торугарт жолунун Бообек айылындагы тилкеде айдоочулар ылдамдыкты ашырып айдап жатышканы аныкталды:

• калктуу конуштарда унаанын максималдуу ылдамдыгы — 60 км/саат;
• калктуу конуштардан тышкары — 90 км/саат.

Бир жумалык рейддин жыйынтыгы:

Жалпысынан 28 255 жол эрежесин бузуу фактысы аныкталып, төмөнкүдөй көрсөткүчтөр катталды:

• 3 159 — тиешелүү документтери жок унаа башкаруу;
• 3 105 — белгиленген ылдамдыкты ашыруу;
• 2 266 — жөө жүргүнчүлөр тарабынан жасалган эреже бузуулар;
• 560 — мас абалында унаа башкаруу;
• 185 — терезелерди мыйзамсыз караңгылатуу;
• 10 804 — башка эреже бузуулар.

Рейддин алкагында 4 320 автоунаа убактылуу токтотуучу айып короосуна токтотулду.