Кыргызстанга жеке адамдардын акча которууларынын таза агымы $2,5 млрд түздү

2024-жылы Кыргызстанда жеке адамдар тарабынан акча которуулардын таза агымы 2,5 млрд АКШ долларын түзүп.

Улуттук банктан билдиришкендей, бул 2023-жылга салыштырмалуу 18,6%га өскөнүн билдирет.

Акча которуулардын дүң агымы 10,5%га өсүп, 3 млрд АКШ долларын түзгөн. Акча которуулардын негизги бөлүгү [93%] Россиядан келип түшкөн.

Көрсөтүлгөн мезгилде Кыргызстандан акча которуулардын дүң агылып чыгуусу 2023-жылга салыштырмалуу 20,6%га кыскарып, 0,4 млрд АКШ долларын түздү. Акча которуулар негизинен Россияга (дүң агылып чыгуулардын 83%ы) жөнөтүлгөн.