Кыргызстандын алмалары Россиянын соода түйүндөрүнө жеткирилет
Бүгүн Кыргызстандын “Кыргыз Экспорт” борборунун директору Урмат Такиров Россиянын эң ири азык-түлүк жана азык-түлүк эмес FMCG товарларын импорттоочуларынын бири болгон “Гранд Трейд” компаниясынын жетекчилиги менен жолугушуу өткөрдү.
Ведомствонун маалыматы боюнча, компаниянын жүгүртүүсү 2024-жылдын аягына карата 2 миллиард АКШ долларынан ашкан.
Сүйлөшүүлөрдүн жүрүшүндө тараптар Кыргызстандын продукциясын Россиянын рыногуна жеткирүүнү кеңейтүү мүмкүнчүлүгүн талкуулашты. 2025-жылдын октябрь айында Кыргызстандын экспорттоочуларынын жана өндүрүүчүлөрүнүн катышуусунда роуд-шоу өткөрүү боюнча макулдашууга жетишилди, ал россиялык өнөктөштөргө ата мекендик өндүрүүчүлөрдүн ассортименти жана потенциалы менен жеринде таанышууга мүмкүндүк берет.
Бүгүн Кыргызстандын “Кыргыз Экспорттун” демилгеси менен биринчи келишимге кол коюлду: Ноокат Алмасы кооперативи «Гранд Трейд» АКсы менен россиялык соода түйүндөрүнө алма жеткирүү боюнча макулдашылды.
Маалымат үчүн: ААК “Гранд Трейд” Россияга азык-түлүк жана азык-түлүк эмес товарларды импорттоо боюнча лидерлердин бири болуп саналат, ар кайсы өлкөлөрдүн өндүрүүчүлөрү менен кызматташат.
