Кыргызстандын аймактарына мектеп окуучулары үчүн 100 автобус таратылды
Министрлер кабинетинин буйругуна ылайык, “Евразия” автономиялык коммерциялык эмес уюмунан белекке берилген 100 автобус алыскы аймактардагы мектептерге таратылды.
Улуттук инвестиция агенттигинин басма сөз кызматы билдиргендей, автобустар бүгүнкү күндө мектептерде колдонулууда.
УИА эки жуманын ичинде жергиликтүү мамлекеттик администрациялардын жана жергиликтүү өз алдынча башкаруу органдарынын жетекчилери менен баланска өткөрүү боюнча жигердүү иштерди жүргүздү.
Белгилей кетсек, мектеп автобустары алыскы айылдардагы окуучуларды билим берүү мекемелерине жеткирүү үчүн колдонулат, бул жетүүгө кыйын аймактарда жашаган балдардын билим алуу мүмкүнчүлүгүн кыйла жакшыртат.
