Кыргызстандын 73 миң жараны Россиянын кара тизмесинде
2024-жылдын 10-декабрына карата Россияга кирүүсүнө тыюу салынган Кыргызстандын жарандарынын саны 73 миң 492 адамды түздү. Бул тууралуу маалымат жыйынында эмгек, социалдык камсыздоо жана миграция министринин орун басары Бакыт Дарманкул уулу билдирди.
Анын айтымында, алар Россиянын аймагына киргенден кийин административдик укук бузган жарандар.
“Кыргызстандыктар “кара тизме” боюнча маалыматты 1899 кыска номери аркылуу текшерип алса болот. Мындан сырткары, https://migrant.kg/ сайтында бардык маалымат жайгаштырылган. Ал эми Россияда жүргөн жарандарыбыз Россиядагы Кыргызстандын Эмгек, социалдык камсыздоо жана миграция министрлигинин өкүлчүлүгүнгө кайрылышса болот”,-деди ал.
