Кыргызстанда күйүүчү май бир айдын ичинде орточо 5-6 сомго арзандады
Кыргызстанда күйүүчү май бир айдын ичинде орточо 5-6 сомго арзандады. Бул тууралуу Нефтетрейдерлер ассоциациясынын жетекчиси Канат Эшатов билдирди.
Анын айтымында, бензин 10-декабрда 3 сомго, кечээ дагы 3 сомго чейин төмөндөгөн.
“Мындай арзандатуу калган күйүүчү майды сатып түгөтүү максатында киргизилген. Көпчүлүлүк колдонгон АИ-92 бензини ар кайсы компанияда ар кандай баада сатылып жатат. Өлкөдө орто эсеп менен АИ-92 маркасындагы бензин 62 сомдон болууда”, – деди ал.
Эшатов бензиндин баасы Россиядан көз каранды экенин, ал тарап бааны көтөрсө, кайра бизде да бензиндин баасы жогорулай турганын кошумчалады.
Булак “Кабар” агенттиги
