Кыргызстанда алтындын баасы эң жогорку чекке жетти
Кыргызстанда алтындын баасы тездик менен өсүүнү улантып, жаңы рекорддорду жаңылап жатат.
Улуттук банктын маалыматына караганда, алтын куймаларынын баасы жаңыланып, жыл башынан бери рекорддук чекке жетти.
Мисалы, 2025-жылдын 7-октябрына карата 1 граммдык куйма 12 535,5 сомдон сатылууда, бул мурунку күнгө салыштырмалуу 180 сомго кымбат. 100 граммдык куйманын баасы 1 147 581 сомго чейин көтөрүлүп, бул 2025-жылдагы эң жогорку көрсөткүч болду. Кайра сатып алуу баасы 1 114 156 сомду түздү.
Баанын өсүшү бардык салмак категориялары боюнча байкалууда:
- 1 г — 12 535,5 сом (+180 сом);
- 5 г — 57 565 сом (+907 сом);
- 10 г — 113 193,5 сом (+1 812 сом);
- 31,1035 г (1 унция) — 353 152,5 сом (+5 700 сом);
- 100 г — 1 147 581 сом (+18 595 сом).
Муну менен алтындын баасы удаасы менен алтынчы күн өсүп жатат, бул баалуу металлдарга болгон суроо-талаптын жогорулап жатканын көрсөтөт.
Салыштыруу үчүн: 2025-жылдын сентябрь айынын башында 100 граммдык куйманын баасы 1 044 806 сом болгон, ал эми бир ай ичинде дээрлик 103 миң сомго өскөн.
