Кыргызстанда 4 миңге жакын үй-бүлө жер көчкү кооптуулугу бар аймакта жашайт
![Кыргызстанда 4 миңге жакын үй-бүлө жер көчкү кооптуулугу бар аймакта жашайт](https://eltr.kg/wp-content/uploads/2024/07/images-6.jpeg)
Кыргызстанда жалпы 3 миң 888 үй-бүлө жер көчкү кооптуулу бар тилкеде жашоосун улантууда. Бул тууралуу “Кабар” агенттигинде өткөн маалымат жыйынында өзгөчө кырдаалдар министринин биринчи орун басары Азамат Мамбетов билдирди.
“Өз кезегинде анын ичинен 2 495и өз кезегинде мамлекеттик ссуда жана жер тилкелери берилгенине карабай, кооптуу аймакта жашоосун улантууда. Биз эскертүү берип, байма-бай түшүндүрүү иштерин жүргүзгөнүбүз менен алар кооптуу тилкеден көчүп чыгууга каршы чыгышып, биздин кызматкерлер барган учурда арыз-дообуз жок деп тил кат жазып берүүдө”, – деди ал.
Министрдин биринчи орун басары жарандарды шашылыш билдирүүлөргө жана эскертүүлөргө кош көңүл карабай, өздөрүнө сак болууга чакырды.