Кыргызстанда 18,4 миңден ашуун үй-бүлө социалдык контракт түздү
Кыргызстанда бүгүнкү күндө 18,4 миңден ашуун үй-бүлө социалдык контракт түздү. Бул тууралуу Эмгек, социалдык камсыздоо жана миграция министрлиги билдирет.
Ведомствонун маалыматына ылайык, 2024-жылга карата республикалык бюджеттин каражаттарынан долбоордун алкагында 2 млн сомдон ашык каражат 20 миң жакыр жана аз камсыз болгон үй-бүлөлөргө бөлүндү.
2022-жылы соцконтракт боюнча 2800 үй-бүлөгө гранттык каражаттар (100 миң сомдон) тапшырылды. Бул максатта республикалык бюджеттин каражаттарынан 292 млн сом суммасында акча каражаты бөлүнгөн.
2023-жылы республикалык бюджеттин каражаттарынан 1 млн 36 миң сом социалдык контракттын негизинде аз камсыз болгон жана аз камсыз болгон үй-бүлөлөргө 10 миң социалдык жардамды ишке ашырууга бөлүнгөн. 2023-жылы 10 миң үй-бүлөгө гранттык каражаттар (100 миң сомдон) тапшырылды.
Белгиленгендей, 2022-2023-жылдары республика боюнча 12,8 миң үй-бүлө 100 миң сомдон алган. Бул максатта республикалык бюджеттин каражаттарынан жалпы суммасы 1328,0 млн сом каражат бөлүнгөн.
“Учурда долбоордун катышуучулары тарабынан республика боюнча күнөскана, брусчатка жасоо, авто оңдоо, ширетүү, мал чарбачылыгы, өздүк чарбаны уюштуруу сыяктуу киреше алып келүүчү бизнес-пландар ишке ашырылууда”, – деп айтылат ведомствонун билдирүүсүндө.
