Кыргызстан Кореядан 27 млн доллар насыя алат
April 26, 2022, Haian, Jiangsu, China: HAIAN, CHINA – APRIL 26, 2022 – A staff member counts US dollar notes at a bank in Haian, East China s Jiangsu province, April 26, 2022. The People s Bank of China (PBOC), the central bank, decided on Thursday to cut the foreign exchange reserve ratio (RRR) for financial institutions by 1 percentage point from the current 9 percent to 8 percent starting May 15, 2022, in a bid to improve their ability to use foreign exchange funds. (Credit Image: Global Look Press/Keystone Press Agency)
Кыргызстан Кореядан 27 млн доллар насыя алат. Бул тууралуу Финансы министрлигинен билдиришти.
Маалыматка ылайык, бул өткөн жылы 14-июлда Бишкек шаарында кол коюлган “Республикалык клиникалык инфекциялык оорукананы функционалдык жакшыртуу” долбоору үчүн Экономикалык өнүктүрүү боюнча кызматташтык фондунун, ошондой эле “Республикалык клиникалык инфекциялык оорукананын функционалдык абалын жакшыртуу” долбооруна 2023-жылдын 21-августунда КР министрлер кабинети менен Кореянын Экспорттук-импорттук банкынын (EDCF атынан мамлекеттик агенттик) ортосунда кол коюлган келишимдин алкагында бериле турган насыя.
Аталган долбоордун максаты – иштеп жаткан жугуштуу оорулар ооруканасын кеңейтүү, аны заманбап медициналык жабдуулар менен камсыздоо, ошол эле учурда медициналык кызматкерлерди аны колдонууга үйрөтүү, көрсөтүлүүчү медициналык кызматтын сапатын жогорулатуу жана оорукана ичиндеги инфекциялардын алдын алуу иштерин өз убагында жүргүзүү.
Кредиттик макулдашуунун шарттарына ылайык, корей тарап корей вонунда 27 млн АКШ долларынын эквивалентинен ашпаган суммада, 40 жылдык кайтаруу мөөнөтү, 10 жылдык жеңилдетилген мөөнөт менен кредит берет, жылдык пайыздык чен 0,1% жана тейлөө акысы – ар бир төлөмдүн суммасынан 0,1%.
Бул долбоорду ишке ашыруу инфраструктураны жакшыртуу жагынан да, медициналык персоналдын потенциалын жогорулатуу жагынан да Кыргыз Республикасынын улуттук саламаттык сактоо системасын бекемдейт.
“Азыркы учурда жогоруда аталган макулдашуулардын күчүнө кириши үчүн зарыл болгон мамлекеттик ички жол-жоболор мыйзам долбооруна КР президенти тарабынан кол коюлушу менен Юстиция министрлигинен юридикалык корутунду алуу жана Финансы министрлиги тарабынан кореялык тарапка билдирүү алуу күтүлүүдө”, – деп айтылат маалыматта.
