Кыргызстан Өзбекстандан 1,2 миң тоннадан ашык алма импорттоду
Кыргызстан 2025-жылдын январь–август айларында Өзбекстандан 1,2 миң тоннадан ашык алма импорттоду.
Өзбекстандын Статистика комитетинин маалыматына ылайык, ушул мезгил аралыгында өлкө жалпы көлөмү 22,6 миң тонна болгон алманы 10 мамлекетке экспорттогон. Экспорттун жалпы суммасы 11,6 млн АКШ долларын түздү.
Маалыматта белгиленгендей, Өзбекстандын алмасы негизинен Россияга (10 721 тонна) жана Казакстанга (10 098 тонна) жөнөтүлгөн. Кыргызстанга 1 275 тонна, Түркмөнстанга 167,4 тонна, Иракка 164,3 тонна жана башка өлкөлөргө 192,2 тонна алма экспорттолгон.
Өзбекстан экспорттогон алманын 90 пайыздан ашыгы Россия менен Казакстанга кеткен.
