Коопсуздук кеңешинин катчысы ШКУга мүчө мамлекеттердин коопсуздук кеңештеринин катчыларынын жыйынына катышты

Кыргыз Республикасынын Коопсуздук кеңешинин катчысы Марат Иманкулов 29-мартта Нью-Дели шаарында Шанхай кызматташтык уюмуна (ШКУ) мүчө-мамлекеттердин коопсуздук кеңештеринин катчыларынын 18-жыйынына катышты.

Марат Иманкулов өз сөзүндө ШКУнун Коопсуздук кеңештеринин катчыларынын үзгүлтүксүз жолугушуулары мамлекет башчылары тарабынан кабыл алынган чечимдерди ишке ашыруу үчүн реалдуу практикалык мүмкүнчүлүк экенин белгиледи.

Туруктуу иштеген органдардын активдүүлүгү жана ШКУнун бардык механизмдерин тартуунун аркасы менен, КР Коопсуздук кеңешинин катчысы белгилегендей, Индия Республикасынын 2022-2023-жыл аралыгындагы төрагалыгы учурунда кандайдыр бир өлүмгө алып келген окуялардын өнүгүшүнө жол берилген жок, тескерисинче, тобокелдик факторлорунун агрессивдүү таасирине мамлекеттердин каршылык көрсөтүү деңгээлинин системалуу түрдө жогорулашы байкалууда – буга ШКУ өлкөлөрүнүн тилектештиги жана өз ара түшүнүүсү жардам болууда.

Марат Иманкулов ошондой эле эки тараптуу жана көп тараптуу мүмкүнчүлүктөрдү пайдаланып, өз позицияларын салыштырып, жакынкы келечекте коопсуздук чакырыктары жана коркунучтары менен күрөшүү жаатындагы биргелешкен кадамдарды макулдашууну сунуштады.

ШКУнун алкагында Марат Иманкулов Индия, Россия жана Тажикстандан келген кесиптештери менен эки тараптуу жолугушууларды өткөрүп, анда аймактык коопсуздук жана өнөктөштүк мамилелерди өнүктүрүү маселелерин талкуулады. Индия тарап менен кызматташууну кеңейтүү контекстинде “Кыргызстан-Индия” диалогунун экинчи раундун 2023-жылы Кыргыз Республикасында өткөрүү жөнүндө макулдашууга жетишилди.