Кара-Көлдүн кирешеси 2,3 эсеге өстү: Бюджет 581 млн сомго жетти

Кара-Көл шаарынын жергиликтүү кирешелеринин көлөмү 2021-жылы 112 млн сом болсо, 2025-жылы 262 млн сомго чейин жеткен. Атап айтканда, 2,3 эсеге көбөйгөн. Бул тууралуу президент Садыр Жапаров бүгүн Таш-Көмүр жана Кара-Көл шаарларынын активи жана тургундары менен жолугушкан учурда билдирди.

Мамлекет башчысы кошумчалагандай, республикалык бюджеттен кошумча 319 млн сом бөлүнүп, 2025-жылдын жыйынтыгы боюнча шаардын жалпы кирешелеринин көлөмү 581 млн сомду түзгөн.