Канатбек Калдаралиев Ак-Суу районунун акими болуп дайындалды

Канатбек Калдаралиев Ысык-Көл облусунун Ак-Суу районунун мамлекеттик администрациясынын башчысы – аким болуп дайындалды.

Өлкө башчысынын басма сөз кызматынан билдиришкендей, Калдаралиев президент Садыр Жапаров кол койгон буйрукка ылайык, КР Конституциясынын 70-беренесинин 1-бөлүгүнүн 6-пунктуна, 71-беренесине, ошондой эле КР «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын 8-беренесине ылайык кызматка дайындалды.