Финансы министрлигинде Япониядан келген делегация менен жолугушуу өттү
Бүгүн финансы министринин орун басары Улугбек Календеров Япониянын Кыргызстандагы элчиси Года Хидэки менен жолугушту. Бул тууралуу ведомстводон билдиришти.
Жолугушуу Япониянын экономика, соода жана өнөр жай министрлигинин Россия, Борбордук Азия жана Кавказ өлкөлөрү боюнча департаментинин директору Масаси Ватанабенин Кыргызстанга расмий иш сапарынын алкагында өттү.
Жолугушуунун жүрүшүндө тараптар эки өлкөнүн өкмөттөрүнүн ортосундагы кызматташтыкты өнүктүрүүнүн ийгиликтүү тенденцияларын белгилешти жана достук мамилелердин мындан ары да бекемделишине үмүт артышты, ошондой эле ар кандай тармактарда артыкчылыктуу долбоорлорду биргелешип ишке ашыруу боюнча маселелер талкууланды.
Мындан тышкары, тараптар Кыргызстандын аймагында иш жүргүзүп жаткан япон компаниялары үчүн КР министрлер кабинетинин атынан мамлекеттик кепилдиктерди берүү маселесин талкуулашты.
Эки тараптуу кызматташтыкты бекемдөө үчүн япон тарап КР Энергетика жана Жаратылыш ресурстары, экология жана техникалык көзөмөлдөө министрликтеринин кызматкерлери үчүн энергетикалык багытта КР Адам ресурстарын өнүктүрүү алкагында бир катар окутуучу семинарларды өткөрүүнү сунуш кыл.
Финансы министринин орун басары Календеров япон тараптын сунушун колдоого алынды.
