Эми “Менин шаарым” тиркемеси интернетсиз да иштейт
Эми MEGA улуттук уюлдук байланыш операторунун абоненттери “Менин шаарым” тиркемесин интернет-балансы жок болгон учурда дагы колдоно алышат.
Бишкек мэриясынан билдиришкендей, бул шаар тургундарына маанилүү муниципалдык кызматтарды ыңгайлуу санарип форматында пайдаланууга мүмкүнчүлүк берет.
Тиркемеде төмөнкү сервистер жеткиликтүү:
- “Кайрылуулар” — муниципалдык маселелер боюнча арыздарды жана билдирүүлөрдү жөнөтүү;
- “Транспорт” — коомдук транспорттун жайгашкан жерин аныктоо;
- “Эвакуатор” — эвакуацияланган унаалар тууралуу маалымат алуу жана башка сервистер.
