ЕАӨК отурумунун жыйынтыгында бир катар документ жана чечимдерге кол коюлду

Беларустун Минск шаарында өткөрүлгөн Евразия өкмөттөр аралык кеңешинин кезектеги (ЕАӨК) отурумунун жыйынтыгында бир катар документтерге жана чечимдерге кол коюлду.

Тизме: 

• “Евразия өкмөттөр аралык кеңешинин 2020-жылдын 10-апрелиндеги № 2 чечиминин 2-пунктуна өзгөртүүлөрдү киргизүү тууралуу” чечими;
• “Евразия өкмөттөр аралык кеңешинин 2015-жылдын 29-майындагы № 13 тескемесин күчүн жоготту деп табуу жөнүндө” тескемеси (ЕАЭБ алкагында бирдиктүү транзиттик системаны жана бажы транзитинин бирдиктүү кепилдик механизмдерин өркүндөтүү жөнүндө);
• “Евразия экономикалык биримдигине мүчө мамлекеттердин аймактарында “Чыгыш – Батыш” жана “Түндүк – Түштүк” багыттары боюнча, анын ичинде Кытайдын “Бир алкак – бир жол” демилгеси менен координациялоонун алкагында транспорттук инфраструктураны түзүү жана өнүктүрүү боюнча 2024-жылга отчету жөнүндө” тескемеси (анын ичинде Евразия өкмөттөр аралык кеңешинин 2022-жылдын 21-июнундагы № 8 тапшырмасын ишке ашыруу жөнүндө маалымкат)”;
• “Евразия экономикалык биримдигинин бажы аймагына ташылып келинген товарларга байкоо жүргүзүү механизминин ишин баштоо жөнүндө” чечим;
• “Өнөр жай чөйрөсүндөгү мамлекеттер аралык программаларды иштеп чыгуу жана ишке ашыруу жөнүндө Жобону бекитүү тууралуу” чечим;
• “Евразиялык өкмөттөр аралык кеңешинин кезектеги жыйынын өткөрүүнүн убактысы жана орду жөнүндө” тескеме.