Чүй жана Нарын облустарында жер титиреди

Бүгүн саат 13:25те Чүй жана Нарын облустарында жер титиреди. Бул тууралуу Өзгөчө кырдаалдар министрлигинен билдиришти.

КР Сейсмология институтунун такталган маалыматына ылайык, жер титирөөнүн күчү очогунда 4 баллга чейин сезилген.

Жер титирөөнүн очогу Чүй облусунун Ысык-Ата районунун Карагай-Булак айылынан түштүккө карай 15 чакырым, Бишкек шаарынан түштүк-чыгышка карай 52 чакырым аралыкта жайгашып, Карагай-Булак айылында 3,5 балл, Бишкек шаарында 2,5 баллга чейин сезилген.

Алдын ала маалымат боюнча, жердин силкинүүсүнөн жабыркагандар жана кыйроолор катталган жок.

Ал эми ушул эле саатта Нарын облусунда дагы күчү 4,5 баллга жеткен жер титирөө катталган. Учурда тактоо иштери жүрүп жатат.